النهارده هنراجع ونشوف مميزات وعيوب ونقاط تمميز جهاز شاومي الجديد Poco F3 gt هيبقا تابع لبراند بوكو
التصميم: تصميم زجاجي بالكامل مع فريم بلاستيك مع وجود ازرار تريجرز للتحكم في الالعاب.
الوزن: 205G ويعتبر تقيل شويه ولكن هقبل بالوزن دا علشان حجم البطاريه 5000mah وحجم شاشه كبير 6.7 انش مناسب للجيمرز وعلشان كدا الوزن زاد حبتين ولكن المميزات لحد الان تشفع للوزن
الشاشه: أموليد بحجم 6.7 انش وتردد 120 هرتز وسطوع 500 شمعه وداعمه لمليار لون وتعتبر من افضل الشاشات في الفئه السعريه وتنافس بقوه ومناسبه جدا للجيمرز
الاداء: معالج ديمينستي 1200 بدقه تصنيع 6 نانو الموازي لمعالج سناب دراجون 870 والجهاز مع الاستخدام الشاق بتوصل درجة حرارته 47 ودايما بفضل معالجات سناب علشان سخونتها اقل و الرامات من نوع LPDDR4X والذاكرة من نوع UFS 3.1
البطاريه: 5000 امبير مع سرعة شحن 67 وات وبيشحن الهاتف بالكامل في 40 دقيقه ودي نقطه تميزه
الصوت: ستيريو ومعدل من قبل jpl ويعتبر كويس
الكاميرات: كاميرا خلفية ثُلاثية والأساسية 64 ميجا بيكسل بفتحة عدسة F/1.7 بمستشعر OV64B والثانية 8 ميجا بيكسل وفتحة عدسة F/2.2 وهي للتصوير الواسع، والأخيرة 2 ميجا بيكسل بفتحة عدسة F/2.4 وهي مُخصصة للتصوير عن قرب والكاميرا سيلفي واحدة بدقة 16 ميجا بيكسل بفتحة عدسة F/2.5 تدعم HDR وتدعم تصوير فيديوهات بجودة تصل الى 1080p@30fps
الكاميرات مفيش ابهار ومش بيقدمو افضل تجربه تصوير لان الجهاز موجه اكتر للجيمرز ولكن مش هيقصرو معاك وهيطلعو صور كويسه الي حد ما
* داعم لمايك عازل للضوضاء وداعم لل ir blas ميموري قاوم للماء والغبار ip53 ويدعم nfc ويدعم طبقة حمايه الجيل الخامس من جوريلا جلاس
*لا يدعم راديو ومنفذ سماعه 3.5 وتركيب كارت ميموري
الخلاصه
الجهاز موجه للجيمرز بدون تضحيات في الشاشه او الكاميرات ولكن بفضل جهاز بوكو f3 في الالعاب لانه بمعالج سناب 870 وبالتالي السخونيه هتكون اقل وافضل من معالج ميديا تيك في الاستقرار ولكن لو اشتريت البوكو f3 العادي بمعالج سناب 870 هتضحي بالكاميرات وازرار التريجر وتصميم الجيمرز
السعر
متوقع نزوله مصر بالاسعار دي في شهر سبتمبر
6000 جنيه لل 128/6
6500 جنيه لل 128/8
7000 جنيه لل 256/8
0 تعليقات