سامسونج العملاق الكوري اطلقت موبايل Samsung galaxy A22 موبايل ينافس هواتف الفئه الاقتصادية بعد اطلاق هواتفها A32 و A52 و A72 موبايلات في عدة فئات مختلفه وكان ينقصها تنزل موبايل في الفئة من 3000 الي 4000 وجاء A22 لينافس في هذه الفئه.
هل يستحق الشراء وهل هو الافضل في فئته؟؟
المواصفات
• التصميم: جاء الهاتف بتصميم بلاستيك بالكامل مع وجود نوتش water drop او قطرة ماء تقليدي للكاميرا الاماميه وجاء تصميم الكاميرات الخلفيه في شكل مربع يضم 4 كاميرات مع بروز صغير وجاء وزن الهاتف 186 جرام وسمك 4.8 ملم وجاء باربع الوان ابيض،اسود،بنفسجي،اخضر
• الشاشة: شاشه سوبر اموليد Super Amoled بحجم 6.4 وجوده HD+ بتردد 90 هرتز ودي تعتبر ميزه كويسه في السعر دا مع الشاشه الاموليد وفي الفئه دي المفروض نشوف شاشه full Hd+ ودا يعتبر عيب وكمان تصميم الكاميرا السيلفي قديم والحافه السفليه كبيره وبعض المنافسين بيقدمو شاشات افضل من حيث الجوده fhd+ واستحواذ الشاشه مثل redmi note 10 ولكن هنا ألوان الشاشه واضحه وكويسه تحت الشمس ومش هتخذلك ولكن كنا نتمني الافضل من سامسونج وابعاد الشاشه 20:9 وكثافة بكسلات 274 بكسل لكل أنش مع سطوع 600 نتس .
• الأداء: ياتي الهاتف بمعالج من ميديا تيك Helio G80 بتقنية 12nm المعالج كويس في الاستخدام العادي والتصفح والمهام اليوميه ولكن مش كويس للالعاب والمنافسين بيقدمو معالجات افضل مثل redmi note 10s و redmi note 10 5g و infinix note 10 pro و realme 7 ولكن المعالج هنا مش هيخذلك وهيكون كويس لكن لو انت جيمرز فا اختار موبايل من المذكورين فوق هيكونو افضل في التجربه والاستخدام والمعالج هنا ادائه مش بيقل مع السخونيه ولا بيزيد استهلاك البطاريه ودي حاجه ايجابيه.
• المعالج الرسومي ARM Mali-G52 2EEMC2
• نوع الرام LPDDR4X RAM
• نوع الذاكره eMMC 5.1
• بيدعم خاصيه Always on display
• بيدعم NFC
• ميكرفون اضافي لعزل الضوضاء
• الصوت: هنا mono ودا متوسط او اقل من متوسط بالنسبه لبعض للمنافسين
• مستشعر التقارب: بيعتمد علي السوفت وير وأدائه افضل من المنافسين ولكن بيلغبط احيانا ولكن يظل افضل من هواتف شاومي في هذه النقطه
• يدعم الجايرسكوب والبوصله والتسارع والقرب
• مستشعر الضوء: بيعتمد علي الكاميرات وبيتاخر شويه
• شبكة الهاتف: 4g وكويسه جدا هنا وافضل من المنافسين
• الواي فاي: كويس ولكن مش بيقدم الافضل ويعتبر متوسط والسوفت وير مش بيظهرلك الشبكات البعيده عنك بمسافه
• البلوتوث: اصدار 5.0
• البطاريه والشحن: 5000 mah بتدعم الشحن 15 وات بيشحن البطاريه في ساعتين وبتفضل شغاله 9-8 ساعات بسبب ان الشاشه hd+ وان الشاشه اموليد ومنفذ الشحن من نوع type c ولكن سرعه الشحن ضعيفه بالنسبه للمنافسين
• يدعم تركيب شريحتين اتصال مع كارت ميموري ودي نقطه ايجابيه
• وبينزل ب 3 نسخ منهم 64/128 زاكرة تخزين مع 4 رام او نسخه 128 مع 6 رام
• يدعم gps وانظمة ملاحه اخري
• الامان: يدعم بصمه الاصبع في زر الباور ويدعم ال face unlock وبيعتمد علي الكاميرا
• الكاميرات:
- الاماميه تاتي بدقه 13mp بفتحة عدسه f/2.2
- الاولي الخلفيه الاساسيه بدقه 48mp بفتحة عدسه f/1.8 و تدعم المثبت البصري ois
- الثانيه للتصوير الواسع بدقه 8mp بفتحة عدسه f/2.2
- الثالثه للتصوير الماكرو بدقه 2mp بفتحة عدسه f/2.4
- الرابعه للعزل بدقه 2mp بفتحة عدسه f/2.2
وبالتاكيد ياتي بفلاش ليد
• محتويات العلبه: شاحن بسرعه 15w وسماعات رأس بالاضافه الي دبوس لتركيب الشرائح مع الضمان وكتيب تعليمات
•السعر:
• السعر للنسخه 64/4 ب 3400 جنيه
• السعر للنسخه 128/4 ب 3700 جنيه
• السعر للنسخه 128/6 ب 4000 جنيه
الخلاصه: الهاتف دا من افضل اجهزه الفئه الاقتصاديه حاليا لو بتفكر فيه ولكن الافضل منه الشاومي نوت 10s وعشان تحسن تجربة استخدامك للنوت 10s غير الروم للاندونيسي وهتحس بفرق كبير في الاستخدام
0 تعليقات